-
تین عظیم فتنے جن میں دور حاضر کے اکثر طلبہ جلدی مبتلا ہوجاتے ہیں ! (۱) جاہ و منصب کی طلب وچاہت :
اس جاہ و منصب کے طلب میں بسا اوقات طلبہ حسد، جھوٹ، بغض، دشمنی اور شدید جھگڑے میں ملوث ہوجاتے ہیں، بلکہ ان میں سے بعض کو دیکھا جاتا ہے کہ وہ اس مقام تک پہنچنے کے لیے جرح و تعدیل میں شدت و غلو سے کام لیتے ہیں، خاص طور پر ایسے جاہل طلبہ جو یہ سمجھتے ہیں کہ آپ اپنے بھائیوں پر جتنی زیادہ تنقید کریں گے، سخت الفاظ، برے کلمات اور حلف و قسم میں جس قدر شدت اختیار کریں گے، اتنا ہی آپ اس میدان میں دوسروں سے بہتر ہوں گے، جبکہ علم کا تقاضہ عاجزی وانکساری ہے۔
(۲) مال وزر کی حرص :
مال یہ ایسی چیز ہے جس کے ذریعے سے شیطان طلاب کے ذہن میں ڈالتا ہے کہ وہ دعوت کے غرض سے مال جمع کریں، پھر اس طرح وہ اپنا علم لوگوں کو بغرض مال بیچ کر لوگوں کی مرضی کے مطابق عجیب و غریب فتوے دیتے ہیں یہاں تک کہ انہیں لگنے لگتا ہے کہ وہ حق پر ہیں۔
(۳) لڑکیاں اور عورتیں :
شیطان طالب علم کے دل میں دعوت اور فتویٰ دینے کے بہانے وسوسہ ڈالتا ہے کہ عورتوں کو اس کی ضرورت ہے اور اسے ان کے سوالوں کا جواب دینا ضروری ہے، جس کی وجہ سے وہ ان سے پرسنل میں نہایت ہی نرمی سے باتیں کرتا ہے یہاں تک کہ فتنہ میں واقع ہوجاتا ہے، اسی طرح کچھ طلبہ اثناء طلبِ علم یا ما بعد رقیہ شرعیہ کے ذریعہ عورتوں کے ساتھ خلوت میں مبتلا ہوکر اس فتنہ میں مبتلا ہوتے ہیں۔
ان چیزوں سے بچنے کا طریقہ اخلاص ، تقویٰ اور دعا ہے۔
نیا شمارہ
