-
دوران وعظ خلاف شرع چیزپر نکیر کے وقت غصہ معیوب نہیں! عَنْ أَبِي مَسْعُودٍ الْأَنْصَارِيِّ قَالَ: قَالَ رَجُلٌ: يَا رَسُولَ اللهِ، لَا أَكَادُ أُدْرِكُ الصَّلَاةَ مِمَّا يُطَوِّلُ بِنَا فُلَانٌ، فَمَا رَأَيْتُ النَّبِيَّ صلى الله عليه وسلم فِي مَوْعِظَةٍ أَشَدَّ غَضَبًا مِنْ يَوْمِئِذٍ، فَقَالَ: أَيُّهَا النَّاسُ، إِنَّكُمْ مُنَفِّرُونَ، فَمَنْ صَلَّى بِالنَّاسِ فَلْيُخَفِّفْ، فَإِنَّ فِيهِمُ الْمَرِيضَ وَالضَّعِيفَ وَذَا الْحَاجَةِ.
)صحيح البخاري:90)
ترجمہ: ابومسعود انصاری روایت کرتے ہیں کہ ایک شخص نےرسول اللہ صلی اللہ علیہ وسلم کی خدمت میں آ کر عرض کیا۔ یا رسول اللہ! فلاں شخص لمبی نماز پڑھاتے ہیں اس لیے میں (جماعت کی) نماز میں شریک نہیں ہو سکتا (کیونکہ میں دن بھر اونٹ چرانے کی وجہ سے رات کو تھک کر چکنا چور ہو جاتا ہوں اور طویل قرآت سننے کی طاقت نہیں رکھتا) (ابومسعود راوی کہتے ہیں) کہ اس دن سے زیادہ میں نے کبھی رسول اللہ صلی اللہ علیہ وسلم کو وعظ کے دوران اتنا غضب ناک نہیں دیکھا۔ آپ صلی اللہ علیہ وسلم نے فرمایا اے لوگو! تم (ایسی شدت اختیار کر کے لوگوں کو دین سے) نفرت دلانے لگے ہو۔ (سن لو) جو شخص لوگوں کو نماز پڑھائے تو وہ ہلکی پڑھائے، کیونکہ ان میں بیمار، کمزور اور حاجت والے (سب ہی قسم کے لوگ) ہوتے ہیں۔
راوی کاتعارف:
ان کا نام عبد اللہ بن مسعود بن غافل بن حبیب الھذلی ہے، کنیت ابو عبد الرحمان ہے،اسلام کے آغاذ میں ہی انہوں نے اسلام قبول کرلیا تھا۔کہاجاتاہے اسلام قبول کرنے والوں میں چٹھےنمبر پر یہی ہیں۔صاحب النعلین کے لقب سے صحابہ کے مابین معروف تھے ۔نبی اکرم کے خاص ترین لوگوں میں سے تھے ،دوبار انہوں نے ہجرت کی ،غزرہ بدر اور کئ ایک غزوات میں شریک رہے ۔ان سے بسند صحیح روایت ہے کہ میں نے نبی صلی اللہ علیہ وسلم سے براہ راست ستر سورتیں سیکھی ہیں ۔سیرت اورعادت و اطوار میں یہ نبی کے مشابہ تھے ۔عشرہ مبشرہ میں سے بھی ہیں ۔صحابہ کرام میں کبار علماء میں ان کا شمار ہوتا تھا ،فتح شام میں شریک تھے اور کوفہ میں قاضی بھی رہ چکے ہیں ۔مدینہ میں 32ھ میں ان کا انتقال ہوااور بقیع الغرقد میں انہیں دفن کیاگیا ،اس وقت ان کی عمر ساٹھ سال تھی ۔ان کے علاوہ کئ ایک ان کے مناقب و فضائل ہیں ۔ ان سے 848 حدیثیں مروی ہیں ،جن میں64 حدیثیں متفق علیہ ہیں ،21حدیثیں صحیح بخاری میں ہیں ، 35حدیثیں صحیح مسلم میں ہیں ،صحابہ او رتابعین کی ایک بڑی تعداد نے ان سے روایت کیاہے۔ تفصیل کے لئے دیکھیں ۔( الإصابة :ج2 ص370، 368) الاستيعاب لابن عبد البر. مستفاد(مرعاة المفاتيح شرح مشكاة المصابيح(1/-121-122)
مسائل:
1-غلطیوں کی اصلاح کا نبوی طریقہ یہ بھی ہے کہ نام لئے بغیر عمومی انداز میں اس غلطی کی نشاندہی کردی جائے اورجو اصولی بات ہووہ بیان کردی جائے۔
2-اس سے یہ بھی معلوم ہوا کہ ائمہ مساجد کواپنے مقتدی حضرات کاخیال رکھنا چاہیے کیونکہ امام کا اس قدر لمبی قراءت کرنا جس میں بیماروں، کمزوروں اور ضرورت مندوں کا لحاظ نہ ہو، حکم رسول کی خلاف ورزی ہے ۔
3-کسی ذمہ دار یا افسر کی شکایت اس سے بالاتر شخصیت کے سامنے پیش کرنا غیبت میں شامل نہیں ہے۔
4-دوران نصحیت خلاف شرع چیز پر نکیر کے وقت غصہ کا اظہارشریعت کی نظر میں معیوب نہیں ہے۔
5-رسول صلی اللہ علیہ وسلم کا اپنی امت کے ساتھ رفقت و نرمی کا اندازہ ہوتاہے۔
6-مقتدیوں کی رعایت کرتے ہوئےنماز مختصر پڑھانا مستحب ہے۔
7-دینی معاملہ یا کوئ بھی اجتماعی معاملہ ہو ،جس میں طاقتور کے ساتھ کمزور بھی شریک ہوں ، وہاں پر کمزوروں کا خیال رکھنا ضروری ہے۔
نیا شمارہ
