Vbet Online Cassino Brasil

O Vbet Brasil é um dos sites de apostas mais procurados da América do Sul. Totalmente hospedado pelo respeitado arcoirisdh.com, o Vbet Brasil se dedica a fornecer aos seus membros experiências de jogo seguras e protegidas. A Vbet Brasil apresenta algumas das melhores e mais recentes máquinas caça-níqueis e jogos de mesa para os jogadores, dando-lhes a oportunidade de experimentar uma atmosfera de cassino da vida real em sua própria casa. A Vbet Brasil também vem com um forte sistema de bônus, permitindo aos jogadores desbloquear bônus e recompensas especiais que podem ser usados para ganhos em potencial. Em suma, a Vbet Brasil tem muito a oferecer a quem procura ação emocionante em um cassino online!

  • دشمن کی سازشوں سے خبردار رہیں

    شیطان اللہ کا باغی اور نافرمان ہے، وہ اللہ کا بھی دشمن ہے اور انسانوں کا بھی، انسان سے شیطان کی دشمنی ازل سے ہے، جنت سے زمین پر اتارے جانے کے وقت ابلیس نے اللہ سے قیامت تک زندہ رہنے کی مہلت مانگی تھی اور مہلت مل جانے پر اللہ سے وعدہ کیا تھا کہ ’’میں لوگوں کو تیرے سیدھے راستے سے گمراہ کرنے کی ہر ممکن کوشش کروں گا اور مختلف صورتوں میں ان کے سامنے جا کر انہیں صراط مستقیم سے برگشتہ کرنے کے اقدامات کروں گا‘‘، آغاز سے اب تک ابلیس اور اس کے چیلے اپنے اس کام میں سرگرم ہیں اور قیامت تک رہیں گے،اور اسی لئے رب نے اس شیطان کو انسانوں کا کھلا ہوا دشمن قرار دیا ہے، اس کی چالبازیوں اور دسیسہ کاریوں سے بچنے کی تلقین کی ہے۔
    شیطان کے تعلق سے یہ امر حقیقی ہے کہ وہ غلط چیزوں کو بھی انسان کے سامنے اتنی خوبصورتی کے ساتھ پیش کرتا ہے کہ انسان غلط کو بھی درست سمجھنے لگتا ہے، مثال کے طور پر صدقہ و خیرات کرنے اور نیکی کے کاموں میں خرچ کرنے کے موقع پر شیطان انسانی دماغ میں یہ وسوسہ ڈالتا ہے کہ’’بھلے مانس!کیا تجھے اپنا مال محبوب نہیں، تو یہاں اتنے پیسے کیوں لگا رہا ہے، دیکھ تجھے ابھی فلاں چیز لینا ہے اور گھر کا فلاں کام باقی ہے، اگر تو نے یہاں پیسہ لگا دیا تو فقیری و قلّاشی تجھے آدبوچے گی اور تو محتاج ہو جائے گا‘‘، لیکن یہی شیطان جب انسان کو کسی غلط کام میں پیسے خرچ کرتے ہوئے دیکھتا ہے تو اسے بے حد خوشی ہوتی ہے مگر وہ ایسے موقع پر انسان کو فقیری و محتاجی کے تعلق سے وسوسے میں مبتلا نہیں کرتا ہے بلکہ اس برے عمل کو بھی انسان کے سامنے خوبصورت اور مزین کر کے پیش کرتا ہے حالانکہ پیسے ہی یہاں بھی خرچ کئے جا رہے ہیں،اسی مفہوم کو اللہ نے سورۃ البقرہ کی آیت نمبر ۲۶۸ میں بیان کیا ہے، اللہ کہتا ہے :
    {الشَّيْطَانُ يَعِدُكُمُ الْفَقْرَ وَيَأْمُرُكُمْ بِالْفَحْشَاء ِ وَاللَّهُ يَعِدُكُمْ مَغْفِرَةً مِنْهُ وَفَضْلًا وَاللَّهُ وَاسِعٌ عَلِيمٌ}
    ’’شیطان تمہیں فقیری سے دھمکاتا ہے اور بے حیائی کا حکم دیتا ہے ، اور اللہ تعالیٰ تم سے اپنی بخشش اور فضل کا وعدہ کرتا ہے اور اللہ تعالیٰ وسعت والا اور علم والا ہے ‘‘
    محترم قارئین! اللہ نے انسانوں کو اور بطور خاص اپنے مومن بندوں کو اس بات کا حکم دیا ہے کہ:
    {يَـٰٓأَيُّهَاا لنَّاسُ إِنَّ وَعْدَ اللّٰهِ حَقّ فَلَا تَغُرَّنَّكُمُ لْحَيَوٰةُ لدُّنْيَا وَلَا يَغُرَّنَّكُم بِاللّٰهِ لْغَرُورُ}
    ’’اے لوگو! بے شک اللہ کا وعدہ حق ہے، لہٰذا یہ دنیاوی زندگی تمہیں کسی دھوکے میں نہ ڈال دے اور کہیں دھوکہ دینے والا (دھوکے باز شیطان)تمہیں اللہ کے تعلق سے دھوکہ نہ دے دے‘‘
    [سورۃ فاطر:۵]
    لہٰذا ہوشیار رہو، شیطان تمہارا دشمن ہے اور ایسا دشمن ہے جو کبھی تمہارا دوست نہیں ہو سکتا، اللہ کے رسول ﷺ نے بھی ہمیں یہ بات بتلائی ہے اور اسلامی تعلیمات کا شیطان کے تعلق سے خلاصہ یہی ہے کہ ’’شیطان انسان کی رگوں میں خون کی طرح دوڑتا ہے، انسانی دماغ کو طرح طرح کے وسوسے میں مبتلا کرتا ہے، مختلف حیلے اور بہانوں سے انسان کو نیک عمل کرنے سے روکنے کی کوشش کرتا ہے،بلکہ اس کے پاس اتنے چور دروازے ہیں کہ ان راستوں پرلے جا کر وہ انسان کو مشرک و کافر بھی بنا دیتا ہے اور پھر اپنا دامن جھاڑ لیتا ہے۔
    عین نماز کے وقت ایک مومن بندے کے دل میں دنیا کی محبت داخل کرنے کے فراق میں ہوتا ہے، مختلف وسائل و ذرائع سے انسانوں، مسلمانوں اور رشتہ داروں کے درمیان ناچاقی اور عداوت کی بیج بونا چاہتا ہے اس لئے تم اس کے حوالے سے فکر مند رہو، اسے ہلکے میں نہ لو اور اس کو دشمن سمجھتے ہوئے اس سے اور اس کے وساوس سے بچنے کی تدابیر اختیار کرتے رہو۔
    آج اس موجودہ دور میں جہاں وسائل و ذرائع کی بہتات ہے اور ان کے فائدے بھی بیشمار ہیں وہیں یہ چیزیں انسانوں اور بطور خاص مسلمانوں کی مصیبتوں میں اضافے کا سبب بھی ہیںاور اس کی مختلف رنگ و روپ سے مزین ایک شکل ’’سوشل میڈیا‘‘ کی شکل میں ہمارے پاس موجود ہے جس میں نت نئے طریقے سے ایک دوسرے کے قریب کرنے والے آپشن موجود ہیں کہ جس راستے پر چلتے ہوئے قدم میں ذرا سی بھی لغزش انسان کو بربادی کے راستے پر ڈال دیتی ہے ۔ غلطی ان وسائل کی قطعی نہیں ہے اور نہ ہی اس دور میںایجاد کرنے والے کا یہ مقصد رہا ہوگا لیکن اگر آپ غور سے دیکھیں تو معلوم ہوگا کہ شیطان نے انہی چیزوں کو کسی نہ کسی حیثیت سے اپنا ہتھیار بنا رکھا ہے۔اسی لئے ہم ان کا استعمال تو کریں اور ضرور کریں لیکن دوران استعمال اپنے دماغ کی بتی روشن رکھیں،ان کے درست اور جائز استعمال کو ترجیح دیں ، غلط چیزوں اور راستوں کو ہرگز اختیار نہ کریں، غلط چیزوں کے فروغ اور پھیلنے کا سبب نہ بنیں ، ہر دم چوکنا اور ہوشیار رہیں ،دل ودماغ کے پردے وا رکھیں اور آنکھیں بند نہ کریں کہ دشمن مستقل ہماری تلاش میں ہے۔

نیا شمارہ

مصنفین

Website Design By: Decode Wings