Vbet Online Cassino Brasil

اسلام نے مسلمانوں کو دو ایسا نظام دیا ہے جس پر مسلمان اگر ٹھیک ٹھیک عمل کرلیں تو وہ کبھی بھی معاشی واقتصادی بحران کے شکار نہ ہوں گے ۔ ایک وراثت کا نظام ہے اور دوسرا زکاۃ کا نظام ، ان دونوں میں سب سے اہم مرحلہ مال کو مستحقین تک پہنچانا ہے ، اس مرحلہ میں شیطان کا وار بہت شدید ہوتاہے اورانسان کا نفس من مانی سے بمشکل ہی بچ سکتا ہے ، اس لئے اللہ تعالیٰ نے اس مرحلہ کے طریقۂ کار کو خود قرآن میں پوری تفصیل اور صراحت کے ساتھ بیان کردیا ہے ۔
کسب وبیوع اور اخذ و عطاء کی تفصیلات قرآن میں نہیں ملتیں، لیکن ان ذرائع سے جو مال ذخیرہ کرکے ایک انسان فوت ہوجاتا ہے ، اس کے ترکہ کو مستحقین تک کیسے پہنچانا ہے، اسے اللہ نے خود قرآن میں بیان کیا ہے اورعمومی حالات کو پوری تفصیل کے ساتھ ذکر کرتے ہوئے ایک ایک چیزکھول کھول کر رکھ دی ہے۔
زکاۃ کن اموال میں وصول کی جائے گی ؟ اور کیسے وصول کی جائے گی؟ ان سب کی تفصیلات احادیث میں ہیں ، لیکن اموال زکاۃ کو جمع کرنے کے بعد مستحقین کو کیسے پہنچانا ہے اس کی پوری تفصیل اللہ نے خود بیان کیا ہے حتیٰ کہ فقراء اور مساکین کو الگ الگ بیان کردیا ہے۔
مستحقین ترکہ اور مستحقین زکاۃ کی تفصیلات قرآن مجید میں اس لئے بیان کردی گئی ہیں ، تاکہ حفظ قرآن اور تلاوت قرآن کے ذریعہ یہ تفصیلات ہمیشہ مسلمانوں کے سامنے رہیں اور جہل و لاعلمی کا کوئی عذر ان پر عمل سے مانع نہ ہو۔
نیز قرآن میں یہ تفصیلات اشاروں میں نہیں بلکہ پوری صراحت و وضاحت کے ساتھ دو ٹوک اندازمیں بیان کی گئی ہیں تاکہ قیاس واستدلال کے نام پر بھی نفس پرستی اور شیطان کی دخل اندازی کی راہ مسدود ہوجائے۔
لیکن سخت افسوس کی بات ہے آج بر صغیر کے مسلمانوں نے بلا تفریق مسلک وملت ان دونوں اسلامی نظام ، نظام وراثت اور نظام زکاۃ کو بری طرح مسخ کرکے رکھ دیا ہے ، عمومی صورت حال یہ ہے کہ ایک طرف وراثت میں میت کے صرف لڑکے پوری جائداد پرقبضہ کرکے بیٹھ جاتے ہیں ، تو دوسری طرف زکاۃ میں صرف دینی ادارے سارا مال سمیٹ لیتے ہیں ۔اور نتیجے میں مسلمان قوم کی جو حالت ہے وہ سب کے سامنے ہے۔ رب العالمین ہم سب کی اصلاح فرمائے، آمین !!